Endi keden beketterinde zañ bwzuşılıqqa tap bolsañız, eşkimge jalınbay-aq tikeley Memlekettik kirister komitetiniñ törağasına şağım tüsire alasız. Barlıq keden beketteri men kedendik resimdeu ortalıqtarına arnayı QR-kodpen jwmıs isteytin «qızıl tüyme» ornatıldı, dep habarlaydı Shalqar.kz.

Bwl ne beredi?
Jaña bastama kedendegi qızmet körsetu sapasın baqılauğa jäne qızmetkerler tarapınan ädepsiz äreketterdiñ aldın aluğa bağıttalğan. Azamattar nemese käsipkerler QR-kodtı skanerlep, birneşe minut işinde şağım nemese wsınıs jolday aladı. Qalasañız, ötinimdi anonimdi türde de jiberuge boladı.

MKK resmi tüsiniktemesinde bılay delingen:

«Kedergi nemese sapasız qızmet körsetilgen jağdayda, är adam osı mümkindikti paydalana aladı. Bwl — ädil, aşıq äri klientke bağıttalğan keden jüyesin qalıptastıru jolındağı mañızdı qadam. Memleket pen qoğam birige otırıp ğana senimdi äri sapalı qızmet körsete aladı».

Ayta keteyik, bwğan deyin Prem'er-ministr Oljas Bektenov keden salasına qwqıq qorğau organınıñ funkciyaların beru qajet ekenin aytqan bolatın.