تۋريزم جانە سپورت مينيسترلىگى 2024 جىلدىڭ قورىتىندىسى بويىنشا قازاقستاندىقتار ەڭ كوپ قىزىعاتىن سپورت تۇرلەرىنىڭ رەيتينگىن ۇسىندى. ستاتيستيكادا بۇقارالىق سپورت تۇرلەرىنە باسىمدىق بەرىلگەن, دەپ حابارلايدى Shalqar.kz.

كوش باسىندا — فۋتبول. بۇل سپورت تۇرىمەن ەلىمىزدە 1 ميلليوننان استام ادام اينالىسادى. دالىرەك ايتساق, 1 113 299 قازاقستاندىق فۋتبول ۇيىرمەسىنە قاتىسادى, ولاردىڭ جارتىسىنان كوبى – اۋىل تۇرعىندارى. بۇل فۋتبولدىڭ كەڭ تارالعان جانە قولجەتىمدى سپورت ەكەنىن دالەلدەيدى.

ال ۇزدىك وندىققا كىرگەن سپورت تۇرلەرى تومەندەگىدەي:
 1. فۋتبول – 1 113 299 قاتىسۋشى (اۋىلدا – 589 394)
 2. كلاسسيكالىق ۆولەيبول – 767 580 (اۋىلدا – 421 035)
 3. باسكەتبول – 541 819 (اۋىلدا – 238 853)
 4. فۋتزال – 368 349 (اۋىلدا – 130 744)
 5. جەڭىل اتلەتيكا – 347 654 (اۋىلدا – 174 261)
 6. شاحمات – 278 101 (اۋىلدا – 128 243)
 7. ۇستەل تەننيسى – 262 835 (اۋىلدا – 127 416)
 8. دويبى – 213 490 (اۋىلدا – 115 198)
 9. توعىزقۇمالاق – 202 217 (اۋىلدا – 119 302)
 10. قازاق كۇرەسى – 160 399 (اۋىلدا – 87 030)

مينيسترلىك بۇل كورسەتكىشتەر حالىقتىڭ سالاماتتى ومىر سالتىنا دەگەن قىزىعۋشىلىعى ارتقانىن ايعاقتايدى دەيدى. الداعى ۋاقىتتا بۇقارالىق سپورتتى دامىتۋ جانە وڭىرلەردە ينفراقۇرىلىمدى جاقسارتۋ جۇمىستارى جالعاسا بەرمەك.