قازاقستاننىڭ ۇلتتىق بانكى “ەستە قالاتىن وقيعالار مەن بىرتۋار ادامدار” سەريياسىنان ۇلى جەڭىستىڭ 80 جىلدىعىنا ارنالعان كوللەكتسييالىق مونەتالاردى شىعارادى, دەپ حابارلايدى Shalqar.kz.

نومينالى 200 جانە 1000 تەڭگەلىك مونەتالار ەلىمىزدىڭ تاريحىنداعى ماڭىزدى وقيعالاردى ەسكە تۇسىرەتىن سيمۆول رەتىندە شىعارىلماق. مونەتالاردىڭ بەتىندە ەرلىكپەن قازا تاپقان قاھارماندارعا ارنالىپ ماڭگىلىك الاۋ بەينەلەنگەن. سونىمەن قاتار, 80 سانىنداعى ويۋ-ورنەك جەڭىس لەنتاسىن سيپاتتايدى, بۇل قازاقستان رەسپۋبليكاسىنىڭ مەملەكەتتىك تۋىنىڭ ەلەمەنتتەرىمەن ۇندەسەدى.

1 000 تەڭگەلىك مونەتا التىن جالاتىلعان 925 سىنامالى كۇمىستەن جاسالعان جانە تارالىمى تەك 2 000 دانا بولادى. ال 200 تەڭگەلىك مونەتالار قازاقستان اۋماعىندا ەركىن اينالىمدا بولادى جانە ولار قولدانىستاعى اقشا تۇرلەرى سيياقتى اينالىمعا تۇسەدى.

بۇل كوللەكتسييالىق مونەتالار ۇلى جەڭىستىڭ 80 جىلدىعىن اتاپ وتۋ اياسىندا ەلىمىزدەگى پاتريوتتىق رۋحتى نىعايتىپ, جاستارعا تاريحي مۇرانى ساقتاپ قالۋدىڭ ماڭىزدىلىعىن ەسكە سالادى.