Qazaqstannıñ Wlttıq banki “Este qalatın oqiğalar men birtuar adamdar” seriyasınan Wlı Jeñistiñ 80 jıldığına arnalğan kollekciyalıq monetalardı şığaradı, dep habarlaydı Shalqar.kz.

Nominalı 200 jäne 1000 teñgelik monetalar elimizdiñ tarihındağı mañızdı oqiğalardı eske tüsiretin simvol retinde şığarılmaq. Monetalardıñ betinde erlikpen qaza tapqan qaharmandarğa arnalıp mäñgilik alau beynelengen. Sonımen qatar, 80 sanındağı oyu-örnek jeñis lentasın sipattaydı, bwl Qazaqstan Respublikasınıñ Memlekettik Tuınıñ elementterimen ündesedi.

1 000 teñgelik moneta altın jalatılğan 925 sınamalı kümisten jasalğan jäne taralımı tek 2 000 dana boladı. Al 200 teñgelik monetalar Qazaqstan aumağında erkin aynalımda boladı jäne olar qoldanıstağı aqşa türleri siyaqtı aynalımğa tüsedi.

Bwl kollekciyalıq monetalar Wlı Jeñistiñ 80 jıldığın atap ötu ayasında elimizdegi patriottıq ruhtı nığaytıp, jastarğa tarihi mwranı saqtap qaludıñ mañızdılığın eske saladı.