سەمەيدە ەرەكشە قاجەتتىلىگى بار جاندار ۇشىن ۇلكەن جاڭالىق! قالادا كورۋ قابىلەتى شەكتەۋلى ازاماتتارعا ارنالعان قازاقستانداعى العاشقى ارنايى كىتاپحانا ەسىگىن ايقارا اشپاق. بۇل – ەلىمىزدە بالاماسى جوق, جاڭا فورماتتاعى مادەني كەڭىستىك, دەپ حابارلايدى Shalqar.kz.

نەلىكتەن بۇل جوبا ماڭىزدى?
جوبا «Samruk-Kazyna Trust» پەن «كەمەلدى قادام» قوعامدىق قورىنىڭ قولداۋىمەن جۇزەگە اسىپ جاتىر. قالا اكىمدىگى كىتاپحانا ۇشىن زاعيپتار قوعامى شاعىناۋدانىنا جاقىن جەردەن ارنايى تەلىم بولدى – بۇل جەردە كورۋ قابىلەتى تومەن جانداردىڭ كوبى تۇرادى.

قازىر قۇرىلىس اياقتالىپ, ىشكى ارلەۋ مەن جيھاز ورناتۋ جۇمىستارى جۇرىپ جاتىر. كىتاپحانا كەڭىستىگى تەك وقۋ ۇشىن ەمەس, الەۋمەتتەنۋ مەن دامۋعا ارنالعان ايماق رەتىندە دە ويلاستىرىلعان.

كىتاپحانادا نە بولادى?
 • وقۋ زالدارى
 • كىتاپ كلۋبتارى مەن دارىستەرگە ارنالعان زالدار
 • سەمينارلار مەن كورمەلەر وتكىزۋگە ارنالعان الاڭ
 • جايلى دەمالىس ورىندارى

كىتاپحانا جىلىنا 20 مىڭ ادامعا دەيىن قىزمەت كورسەتە الادى.

كىتاپ قورى قانداي?
كوزى كورمەيتىن جانە كوزى ناشار كورەتىن وقىرماندار ۇشىن ارنايى:
 • برايلь قارپىندەگى كىتاپتار
 • CD-ديسكىلەر مەن دىبىستالعان كاسسەتالار
 • جىل سايىن جاڭارتىلاتىن قور