Semeyde erekşe qajettiligi bar jandar üşin ülken jañalıq! Qalada köru qabileti şekteuli azamattarğa arnalğan Qazaqstandağı alğaşqı arnayı kitaphana esigin ayqara aşpaq. Bwl – elimizde balaması joq, jaña formattağı mädeni keñistik, dep habarlaydı Shalqar.kz.

Nelikten bwl joba mañızdı?
Joba «Samruk-Kazyna Trust» pen «Kemeldi qadam» qoğamdıq qorınıñ qoldauımen jüzege asıp jatır. Qala äkimdigi kitaphana üşin Zağiptar qoğamı şağınaudanına jaqın jerden arnayı telim böldi – bwl jerde köru qabileti tömen jandardıñ köbi twradı.

Qazir qwrılıs ayaqtalıp, işki ärleu men jihaz ornatu jwmıstarı jürip jatır. Kitaphana keñistigi tek oqu üşin emes, äleumettenu men damuğa arnalğan aymaq retinde de oylastırılğan.

Kitaphanada ne boladı?
 • Oqu zaldarı
 • Kitap klubtarı men däristerge arnalğan zaldar
 • Seminarlar men körmeler ötkizuge arnalğan alañ
 • Jaylı demalıs orındarı

Kitaphana jılına 20 mıñ adamğa deyin qızmet körsete aladı.

Kitap qorı qanday?
Közi körmeytin jäne közi naşar köretin oqırmandar üşin arnayı:
 • Brayl' qarpindegi kitaptar
 • CD-diskiler men dıbıstalğan kassetalar
 • Jıl sayın jañartılatın qor