تەحنولوگييا الىبى Google تەحاس شتاتىنداعى زاڭسىز ارەكەتتەرى ۇشىن قوماقتى وتەماقى تولەۋگە ماجبۇر بولدى. كومپانييا جەرگىلىكتى تۇرعىنداردىڭ رۇقساتىنسىز دەرەكتەرىن جيناعانى ۇشىن 1,4 ميلليارد دوللار كولەمىندە وتەۋ تولەۋگە كەلىستى. بۇل تۋرالى شتاتتىڭ باس پروكۋرورى كەن پاكستون رەسمي مالىمدەدى, دەپ حابارلايدى Shalqar.kz.

Google پايدالانۋشىلاردىڭ گەولوكاتسيياسىن, داۋىس پەن بەت قۇرىلىمىن, سونداي-اق ىزدەۋ تاريحىن جاسىرىن تۇردە باقىلاپ وتىرعان. پروكۋرور پاكستون مۇنى زاڭسىز ارەكەت دەپ باعالاپ, تەحنولوگييالىق الپاۋىتتار دا زاڭ الدىندا جاۋاپ بەرۋى كەرەك ەكەنىن ايتتى.

كەلىسىم 2022 جىلى باستالعان بىرنەشە تالاپتى قامتيدى:
– گەولوكاتسييانى رۇقساتسىز پايدالانۋ
– ينكوگنيتو رەجيمىن تەرىس قولدانۋ
– بيومەترييالىق دەرەكتەردى زاڭسىز ساقتاۋ

Google نە دەيدى?
كومپانييا وكىلى بۇل شاعىمدار بۇرىنعى ونىم ساياساتىمەن بايلانىستى ەكەنىن جانە بۇگىندە ولاردىڭ كوپشىلىگى وزگەرگەنىن ايتتى. سونىمەن قاتار, Google كەلىسىم اياسىندا ەشقانداي قوسىمشا تەحنولوگييالىق وزگەرىس ەنگىزبەيدى.

بۇل – تەحاستىڭ Google-مەن جاساعان ەڭ ىرى كەلىسىمى. بۇعان دەيىن, 2023 جىلى كومپانييا Android نارىعىنداعى مونوپولييا ۇشىن 700 ملن دوللار تولەگەن. Meta كومپانيياسى دا وسىعان ۇقساس سەبەپپەن دال وسىنداي كولەمدە وتەماقى تولەگەن بولاتىن.

ىت-الىپتارعا بۇل – كەزەكتى ەسكەرتۋ: جەكە دەرەكتەرگە قۇرمەتسىزدىك – قىمباتقا تۇسەدى.