وڭتۇستىك ازييادا جاعداي تىنىشتالا باستادى. ۇندىستان مەن پاكىستان اتىستى تولىق جانە دەرەۋ توقتاتۋ تۋرالى كەلىسىمگە كەلدى. بۇل كەلىسىم ەكى ەل اراسىنداعى شيەلەنىستىڭ باسەڭدەۋىنە ۇمىت وتىن جاقتى, دەپ حابارلايدى Shalqar.kz.

پاكىستاننىڭ سىرتقى ىستەر مينيسترى يسحاق دار X الەۋمەتتىك جەلىسىندە:
“پاكىستان مەن ۇندىستان اتىستى شۇعىل توقتاتۋعا كەلىستى. پاكىستان ارقاشان ايماقتاعى بەيبىتشىلىك پەن قاۋىپسىزدىككە ۇمتىلدى”, – دەپ جازدى.

ۇندىستان تاراپى دا كەلىسىمدى راستادى. ەلدىڭ سىرتقى ىستەر مينيسترى ۆيكرام ميسري ەكى ەلدىڭ اسكەري باسشىلارى كەلىسسوز جۇرگىزىپ, ۇرىس ارەكەتتەرىن توقتاتۋ تۋرالى ورتاق شەشىمگە كەلگەنىن مالىمدەدى.

پاكىستان پرەمьەر-مينيسترى شاحباز شاريف بۇل پروتسەستە ماڭىزدى رول اتقارعانى ۇشىن اقش پرەزيدەنتى دونالьد ترامپقا العىسىن بىلدىردى.

بۇل كەلىسىم – يادرولىق قارۋى بار قوس مەملەكەتتىڭ اراسىندا تۇراقتىلىق ورناتۋعا جاسالعان ماڭىزدى قادام. ساراپشىلار ەندى تاراپتار ۇزاقمەرزىمدى بەيبىت ديالوگقا كوشەدى دەپ ۇمىتتەنەدى.