12 мамырда Шри-Ланканың астанасы Коломбода 22 жасқа дейінгі боксшылар арасында Азия чемпионаты басталды. Жарыс 24 мамырға дейін жалғасады. Қазақстан құрамасы бұл сында ерлер де, әйелдер де барлық салмақ дәрежесінде толық құраммен бақ сынауда, деп хабарлайды Shalqar.kz.

Сары құрлықтың басты бәсекесіне 23 елдің үміткер спортшылары қатысып жатыр. Жарыстың алғашқы күндері-ақ тартысты жекпе-жектермен есте қалды.

Бірінші күннің басты нәтижелері:
 • 54 келі салмақта Кенже Мұратұлы Қырғызстандық Зафарбек Камиловқа қарсы жекпе-жекте ұпай айырмасымен жеңіліп қалды. Қарсылас келесі кезеңге өтті.
 • 60 келіге дейінгі салмақта Нұрислам Қалдыбаев Азия чемпионатын сенімді жеңіспен бастады. Ол Непалдық Вангди Шерпаны екінші раундта екі мәрте нокдаунға жіберіп, айқын басымдықпен жеңді. Келесі жекпе-жегінде Қалдыбаев IBA бейтарап командасының боксшысы Ахмад Мұхаммедпен кездеседі.
 • Әйелдер арасындағы 50 келі салмақта Гүлнар Тұрапбай Сауд Арабиясының өкілі Яра Аламриді жеңіп, келесі кезеңге өтті. Гүлнар – осы салмақтағы қазіргі Азия чемпионы, енді ол атағын қорғауға ниетті.