استانادا تاريحتا العاش رەت پارادزيۋدودان الەم چەمپيوناتى – IBSA Judo World Championships Astana 2025 باستالدى. بۇل – ەلىمىزدە ۇيىمداستىرىلعان پارادزيۋدو بويىنشا ەڭ ىرى حالىقارالىق دودا, دەپ حابارلايدى Shalqar.kz.

تورت جىلدا بىر وتەتىن بۇل تۋرنير پاراليمپيادادان كەيىنگى ەڭ بەدەلدى جارىس سانالادى. استاناداعى چەمپيوناتقا الەمنىڭ 40-قا جۋىق ەلىنەن 350-دەن استام سپورتشى قاتىسىپ جاتىر. ولاردىڭ قاتارىندا 10 پاراليمپيادا چەمپيونى مەن 12 جۇلدەگەر بار.

چەمپيوناتتىڭ ماقساتى – سپورتشىلارعا الەمدىك رەيتينگ ۇپايىن جيناۋعا جانە 2024 جىلعى پاريج پاراليمپياداسىنان كەيىنگى جاڭا تسيكلگە جول اشۋعا مۇمكىندىك بەرۋ.

تۋريزم جانە سپورت مينيسترى ەربول مىرزابوسىنوۆ جارىستىڭ ماڭىزدىلىعىن اتاپ وتىپ, بىلاي دەدى:

“دزيۋدو ەلىمىزدە جاقسى دامىپ كەلەدى. ۇلتتىق قۇرامامىز پاريجدەگى پاراليمپيادادا 1 التىن, 1 كۇمىس, 3 قولا مەدالь جەڭىپ الدى. بۇل جەڭىستەر وسىنداي اۋقىمدى جارىستاردى قازاقستاندا وتكىزۋگە جول اشتى”.

جارىس سالماق دارەجەلەرى بويىنشا وتۋدە:
 • ەرلەر: 70 كگ, 81 كگ, 95 كگ, +95 كگ
 • ايەلدەر: 52 كگ, 60 كگ, 70 كگ, +70 كگ
 • تاجىريبەلىك سالماقتار (وليمپيادا باعدارلاماسىنا كىرمەيدى): ەرلەر – 64 كگ, ايەلدەر – 46 كگ

جارىس IBSA, حالىقارالىق دزيۋدو فەدەراتسيياسى, قر تۋريزم جانە سپورت مينيسترلىگى مەن قازاقستان دزيۋدو فەدەراتسيياسىنىڭ قولداۋىمەن ۇيىمداستىرىلدى.

IBSA Judo World Championships Astana 2025 – تەك سپورتتىق ەمەس, الەۋمەتتىك ماڭىزى زور شارا. چەمپيونات ينكليۋزيۆتى قوعام قالىپتاستىرۋعا, پاراسپورتقا دەگەن قولداۋدى ارتتىرۋعا باعىتتالعان.

جارىس اياسىندا شەتەلدىك دەلەگاتسييالار مەن قوناقتار ۇشىن استانانىڭ تۋريستىك نىساندارىمەن تانىستىرۋ, مادەني باعدارلامالار, ينكليۋزييا تاقىرىبىنا ارنالعان جوبالار مەن ەرىكتىلەر جۇمىسى دا جوسپارلانعان.

بۇل چەمپيونات قازاقستانداعى پاراسپورتتى جاڭا دەڭگەيگە كوتەرىپ, مۇمكىندىگى شەكتەۋلى جاندارعا دەگەن كوزقاراستى وزگەرتۋگە ۇلەس قوسپاق.