Astanada tarihta alğaş ret paradzyudodan älem çempionatı – IBSA Judo World Championships Astana 2025 bastaldı. Bwl – elimizde wyımdastırılğan paradzyudo boyınşa eñ iri halıqaralıq doda, dep habarlaydı Shalqar.kz.

Tört jılda bir ötetin bwl turnir Paralimpiadadan keyingi eñ bedeldi jarıs sanaladı. Astanadağı çempionatqa älemniñ 40-qa juıq elinen 350-den astam sportşı qatısıp jatır. Olardıñ qatarında 10 Paralimpiada çempionı men 12 jüldeger bar.

Çempionattıñ maqsatı – sportşılarğa älemdik reyting wpayın jinauğa jäne 2024 jılğı Parij paralimpiadasınan keyingi jaña ciklge jol aşuğa mümkindik beru.

Turizm jäne sport ministri Erbol Mırzabosınov jarıstıñ mañızdılığın atap ötip, bılay dedi:

“Dzyudo elimizde jaqsı damıp keledi. Wlttıq qwramamız Parijdegi paralimpiadada 1 altın, 1 kümis, 3 qola medal' jeñip aldı. Bwl jeñister osınday auqımdı jarıstardı Qazaqstanda ötkizuge jol aştı”.

Jarıs salmaq därejeleri boyınşa ötude:
 • Erler: 70 kg, 81 kg, 95 kg, +95 kg
 • Äyelder: 52 kg, 60 kg, 70 kg, +70 kg
 • Täjiribelik salmaqtar (Olimpiada bağdarlamasına kirmeydi): Erler – 64 kg, äyelder – 46 kg

Jarıs IBSA, Halıqaralıq dzyudo federaciyası, QR Turizm jäne sport ministrligi men Qazaqstan dzyudo federaciyasınıñ qoldauımen wyımdastırıldı.

IBSA Judo World Championships Astana 2025 – tek sporttıq emes, äleumettik mañızı zor şara. Çempionat inklyuzivti qoğam qalıptastıruğa, parasportqa degen qoldaudı arttıruğa bağıttalğan.

Jarıs ayasında şeteldik delegaciyalar men qonaqtar üşin Astananıñ turistik nısandarımen tanıstıru, mädeni bağdarlamalar, inklyuziya taqırıbına arnalğan jobalar men eriktiler jwmısı da josparlanğan.

Bwl çempionat Qazaqstandağı parasporttı jaña deñgeyge köterip, mümkindigi şekteuli jandarğa degen közqarastı özgertuge üles qospaq.