ەلىمىزدە اۋىل شارۋاشىلىعىنا ۇلكەن قاۋىپ توندىرۋى مۇمكىن شەگىرتكە شابۋىلىنا بايلانىستى دابىل قاعىلۋدا. ۇكىمەت وتىرىسىندا پرەمьەر-مينيستر ولجاس بەكتەنوۆ شەگىرتكەمەن كۇرەس جۇمىستارىن جەكە باقىلاۋىنا الىپ, تۇركىستان مەن جامبىل وبلىستارىنا ەرەكشە نازار اۋدارۋدى تاپسىردى, دەپ حابارلايدى Shalqar.kz.

اۋىل شارۋاشىلىعى مينيسترى ايداربەك ساپاروۆتىڭ ايتۋىنشا, بىلتىرعى زەرتتەۋ ناتيجەسىنە سايكەس شەگىرتكەلەردىڭ تارالۋى مۇمكىن اۋماق كولەمى 2,5 ملن گەكتاردى قۇرايدى. بيىل بۇل قاۋىپتىڭ الدىن الۋ ۇشىن مەملەكەت تاراپىنان 7,1 ميلليارد تەڭگە بولىنىپ, وڭتۇستىك وڭىرلەردە اۋقىمدى جۇمىستار باستالعان.

— تۇركىستان وبلىسىندا جوسپارلانعان شارالاردىڭ 90 پايىزى اتقارىلدى. ايدىڭ سوڭىنا دەيىن تولىق اياقتايمىز دەپ وتىرمىز. ال وزبەكستان تاراپى وز اۋماعىندا تەك 50 پايىز كولەمىندە عانا جۇمىستار جۇرگىزىپ ۇلگەرگەن. وسىعان بايلانىستى شەكارا ماڭىنداعى اۋماقتارعا ەرەكشە باقىلاۋ ورناتىلعان, — دەدى مينيستر.

جامبىل وبلىسىندا دا 28 مىڭ گەكتار جەر حيمييالىق وڭدەۋدەن وتكەن. پرەمьەر-مينيستر شەكارالاس ايماقتاردا مونيتورينگتىڭ ساپالى جۇرگىزىلۋىن قاداعالاۋ قاجەت ەكەنىن ايتىپ, اكىمدىكتەرگە ناقتى تاپسىرمالار بەردى.