Elimizde auıl şaruaşılığına ülken qauip töndirui mümkin şegirtke şabuılına baylanıstı dabıl qağıluda. Ükimet otırısında Prem'er-ministr Oljas Bektenov şegirtkemen küres jwmıstarın jeke baqılauına alıp, Türkistan men Jambıl oblıstarına erekşe nazar audarudı tapsırdı, dep habarlaydı Shalqar.kz.

Auıl şaruaşılığı ministri Aydarbek Saparovtıñ aytuınşa, bıltırğı zertteu nätijesine säykes şegirtkelerdiñ taraluı mümkin aumaq kölemi 2,5 mln gektardı qwraydı. Biıl bwl qauiptiñ aldın alu üşin memleket tarapınan 7,1 milliard teñge bölinip, oñtüstik öñirlerde auqımdı jwmıstar bastalğan.

— Türkistan oblısında josparlanğan şaralardıñ 90 payızı atqarıldı. Aydıñ soñına deyin tolıq ayaqtaymız dep otırmız. Al Özbekstan tarapı öz aumağında tek 50 payız köleminde ğana jwmıstar jürgizip ülgergen. Osığan baylanıstı şekara mañındağı aumaqtarğa erekşe baqılau ornatılğan, — dedi ministr.

Jambıl oblısında da 28 mıñ gektar jer himiyalıq öñdeuden ötken. Prem'er-ministr şekaralas aymaqtarda monitoringtiñ sapalı jürgiziluin qadağalau qajet ekenin aytıp, äkimdikterge naqtı tapsırmalar berdi.