Мәдениет және ақпарат министрлігінің дерегінше, жалдамалы тұрғын үй бағдарламасына қатысқан жастардың 81%-ы жеңілдетілген ипотекаға өтініш берген. Бұл — жастар арасында жеке баспанаға деген сұраныстың қаншалықты жоғары екенін көрсетеді, деп хабарлайды Shalqar.kz.

Мемлекет «Отбасы банкімен» бірлесіп, еліміздің 17 өңірінде жастарға арналған арнайы ипотекалық бағдарламаны іске қосты. Оның шарттары да қарапайым әрі тиімді: бастапқы жарна – пәтер құнының небәрі 10-20%-ы, ал жылдық мөлшерлеме 5-9% аралығында, өңірге қарай өзгереді.

Қазірдің өзінде 2026 адам өтініш берген. Оның ішінде 647 жас баспаналы болып үлгерді. Тағы 321 адам үй іздеп жүр, қалған қатысушылардың төлем қабілеті тексеріліп жатыр.