Қазақстандық ауыр атлет Артём Антропов Қытайдың Цзяншань қаласында өтіп жатқан Азия чемпионатында 102 келіге дейінгі салмақта тамаша нәтиже көрсетіп, күміс медаль иеленді, деп хабарлайды Shalqar.kz.

Артём қоссайыста 386 келіні (жұлқа – 165 кг, серпе – 221 кг) көтеріп, тек Олимпиада чемпионы, қытайлық Лю Хуаньхуаға ғана есе жіберді. Жергілікті фаворит 410 келіні (180+230) еңсеріп, алтын алды. Қола жүлде түркіменстандық Давранбек Хасанбаевқа бұйырды (377 келі – 182+195).

Антропов бұл чемпионатта жұлқа көтеруде – күміс, ал серпе көтеруде – қола медаль еншіледі.

Айта кетейік, бұған дейін 73 келі салмақта Пётр Хребтов те қола жүлдегер атанған болатын. Ал алда Ақерке Байманап пен Любовь Ковальчук өз бақтарын сынайды. Биылғы жарысқа 200-ден астам зілтемірші қатысуда.