АҚШ-тың президенті Дональд Трамп 2028 жылғы президент сайлауына қатысуы мүмкін екенін меңзеді. Қатардағы Әл-Удейд әскери базасында сөйлеген сөзінде ол бұл идеяны әзіл ретінде айтса да, астарында ой жатқанын жасырмады, деп хабарлайды Shalqar.kz.

“Көп адам менен қайта сайлауға түсуімді сұрап жатыр. Ойланамын. Бірақ бұл оңай шешім емес”, – деді Трамп.

Ол тіпті келесі сайлауалды ұранын да әзірлеп қойғандай:
“Трамп-2028: Солшылдарды есінен тандырайық!”

Алайда, АҚШ Конституциясының 22-ші түзетуіне сәйкес, бір адам екі реттен артық президент бола алмайды. Трамп бұл лауазымда 2017–2021 жылдары қызмет атқарған.

Айта кетейік, бұған дейін Трамп үшінші рет сайлауға түспейтінін мәлімдеген болатын. Дегенмен, оның соңғы мәлімдемесі саяси сахнаға қайта оралуы мүмкін деген болжамдарға себеп болды.