جاساندى ينتەللەكتكە دەگەن جاھاندىق قىزىعۋشىلىقتىڭ قانشالىقتى ارتقانىن دالەلدەيتىن ناقتى دەرەك: ChatGPT الەمدەگى ەڭ كوپ قارالاتىن بەس سايتتىڭ قاتارىنا ەندى, دەپ حابارلايدى Shalqar.kz.

Similarweb كومپانيياسىنىڭ 2025 جىلعى ساۋىر ايىنا جاساعان تالداۋىنا سايكەس, ChatGPT سايتىنا بىر ايدا 4,8 ميللياردقا جۋىق ادام كىرگەن. بۇل — بۇرىن-سوڭدى بولماعان كورسەتكىش. وسىلايشا, ChatGPT Google, YouTube, Facebook جانە Instagram-نان كەيىن بەسىنشى ورىنعا جايعاستى.

پايدالانۋشىلار بۇل پلاتفورمادا ورتا ەسەپپەن 7 مينۋت 15 سەكۋند وتىرىپ, بىر سەسسييادا 4 بەتتى قارايدى. ال تەك بىر بەتپەن شەكتەلەتىندەردىڭ ۇلەسى — 29,59%.

تورت الپاۋىتتىڭ كورسەتكىشتەرى:
 • Google — 1-ورىن. كىرگەن ادام ورتا ەسەپپەن 10 مينۋت 31 سەكۋند ۋاقىتىن جۇمسايدى (8,91 بەت).
 • YouTube — 2-ورىن. بىر قولدانۋشى پلاتفورمادا 20 مينۋتتان استام ۋاقىت وتكىزەدى (13,15 بەت).
 • Facebook پەن Instagram — تيىسىنشە 3 جانە 4-ورىندا. Facebook قولدانۋشىلارى 13,53 بەت قارايدى, Instagram — 13,38 بەت.

العاش رەت توپ-5 قاتارىنا ەنىپ وتىرعان ChatGPT — بۇل تىزىمدە وزىندىك ەرەكشەلىگىمەن دارالاندى: ول — الەۋمەتتىك جەلى ەمەس, ىزدەۋ جۇيەسى دە ەمەس, جاساندى ينتەللەكتكە نەگىزدەلگەن سەرۆيس. دەمەك, الەم قازىر تەك اقپارات ىزدەۋمەن نەمەسە جەلىدە ۋاقىt وتكىزۋمەن شەكتەلمەي, AI-مەن تىكەلەي جۇمىس ىستەۋگە كوشە باستاعانىن كورسەتىپ وتىر.