Jasandı intellektke degen jahandıq qızığuşılıqtıñ qanşalıqtı artqanın däleldeytin naqtı derek: ChatGPT älemdegi eñ köp qaralatın bes sayttıñ qatarına endi, dep habarlaydı Shalqar.kz.

Similarweb kompaniyasınıñ 2025 jılğı säuir ayına jasağan taldauına säykes, ChatGPT saytına bir ayda 4,8 milliardqa juıq adam kirgen. Bwl — bwrın-soñdı bolmağan körsetkiş. Osılayşa, ChatGPT Google, YouTube, Facebook jäne Instagram-nan keyin besinşi orınğa jayğastı.

Paydalanuşılar bwl platformada orta eseppen 7 minut 15 sekund otırıp, bir sessiyada 4 betti qaraydı. Al tek bir betpen şekteletinderdiñ ülesi — 29,59%.

Tört alpauıttıñ körsetkişteri:
 • Google — 1-orın. Kirgen adam orta eseppen 10 minut 31 sekund uaqıtın jwmsaydı (8,91 bet).
 • YouTube — 2-orın. Bir qoldanuşı platformada 20 minuttan astam uaqıt ötkizedi (13,15 bet).
 • Facebook pen Instagram — tiisinşe 3 jäne 4-orında. Facebook qoldanuşıları 13,53 bet qaraydı, Instagram — 13,38 bet.

Alğaş ret TOP-5 qatarına enip otırğan ChatGPT — bwl tizimde özindik erekşeligimen daralandı: ol — äleumettik jeli emes, izdeu jüyesi de emes, jasandı intellektke negizdelgen servis. Demek, älem qazir tek aqparat izdeumen nemese jelide uaqıt ötkizumen şektelmey, AI-men tikeley jwmıs isteuge köşe bastağanın körsetip otır.