Бүгін, 17 мамырда, еліміздің президенті Қасым-Жомарт Тоқаев 72 жасқа толып отыр, деп хабарлайды Shalqar.kz.

Қасым-Жомарт Кемелұлы 1953 жылы Алматы қаласында дүниеге келген. Оның әкесі – Ұлы Отан соғысының ардагері, белгілі жазушы және қазақ детектив жанрының негізін қалаушы Кемел Тоқаев. Анасы – Тұрар Шабарбаева, Алматы шет тілдері педагогикалық институтында ұстаздық еткен.

Ақорда биыл да дәстүрлі мәлімдеме жасады: президент туған күнін жеке мереке ретінде атап өтпейді, ешқандай салтанатты іс-шара ұйымдастырылмайды. Бұл – Тоқаевтың бұрыннан келе жатқан қарапайымдылық пен ресмиліктен аулақ ұстанымының бір көрінісі.