بۇگىن, 17 مامىردا, ەلىمىزدىڭ پرەزيدەنتى قاسىم-جومارت توقاەۆ 72 جاسقا تولىپ وتىر, دەپ حابارلايدى Shalqar.kz.

قاسىم-جومارت كەمەلۇلى 1953 جىلى الماتى قالاسىندا دۇنيەگە كەلگەن. ونىڭ اكەسى – ۇلى وتان سوعىسىنىڭ ارداگەرى, بەلگىلى جازۋشى جانە قازاق دەتەكتيۆ جانرىنىڭ نەگىزىن قالاۋشى كەمەل توقاەۆ. اناسى – تۇرار شابارباەۆا, الماتى شەت تىلدەرى پەداگوگيكالىق ينستيتۋتىندا ۇستازدىق ەتكەن.

اقوردا بيىل دا داستۇرلى مالىمدەمە جاسادى: پرەزيدەنت تۋعان كۇنىن جەكە مەرەكە رەتىندە اتاپ وتپەيدى, ەشقانداي سالتاناتتى ىس-شارا ۇيىمداستىرىلمايدى. بۇل – توقاەۆتىڭ بۇرىننان كەلە جاتقان قاراپايىمدىلىق پەن رەسميلىكتەن اۋلاق ۇستانىمىنىڭ بىر كورىنىسى.