سينگاپۋردە وتىپ جاتقان كوركەم گيمناستيكادان ازييا چەمپيوناتىندا قازاقستاندىق جاس سپورتشى ايبوتا ەرتايقىزى التىن مەدالь جەڭىپ الىپ, ەل مەرەيىن ۇستەم ەتتى. ول لەنتامەن ونەر كورسەتۋ سايىسىندا 28.150 ۇپاي جيناپ, بارلىق قارسىلاسىن ارتتا قالدىردى, دەپ حابارلايدى Shalqar.kz.

بۇل جەڭىس جايلى قازاقستاننىڭ سپورت كوميتەتى حابارلادى.

ايبوتانىڭ باستى قارسىلاستارى – وزبەكستاندىق ناتالьيا ۋسوۆا (27.550 ۇپاي) جانە جاپونييالىق رەينا ماتسۋساكي (27.200 ۇپاي) تيىسىنشە ەكىنشى جانە ۇشىنشى ورىنداردى ەنشىلەدى. ال تاعى بىر قازاقستاندىق گيمناست ايىم مەيىرجانوۆا 27.000 ۇپايمەن تورتىنشى ورىننان كورىندى.

ايبوتا ەرتايقىزى بۇل جەڭىسىمەن توقتاپ قالمادى: كوپسايىس ناتيجەسى بويىنشا دا قولا مەدالь يەلەنىپ, تورت جاتتىعۋدان 82.200 ۇپاي جينادى.

ايبوتا — 2004 جىلى تۋعان, جاس تا بولسا, ەل نامىسىن بيىك دەڭگەيدە قورعاپ جۇرگەن سپورتشى. بۇعان دەيىن دە تاشكەنتتە وتكەن قۇرلىقتىق جارىستا چەمپيون اتانىپ, بىرنەشە مارتە كۇمىس پەن قولا مەدالьدار العان.