Қазақстандық теннисші Зарина Диас Жапонияның Куруме қаласында өткен ITF W50 турнирінің чемпионы атанды. Әлемдік рейтингте 318-орында тұрған спортшымыз финалда жергілікті фаворитті – жапониялық Аяно Шимицуды (WTA №288) тізе бүктірді, деп хабарлайды Shalqar.kz.

Матч басталғанда қарсылас 2:0 есебімен алға шыққанымен, Зарина бірінші сетте есепті 6:4 етіп өз пайдасына шешті. Екінші партияда да Шимицу 2:0, кейін 3:1 есебімен көш бастап еді, алайда тәжірибелі қазақстандық шабуылын үдетіп, 6:3 нәтижесімен матчты аяқтады.

Финалдық кездесу 1 сағат 24 минутқа созылды.

Бұл жеңіс — Зараның соңғы жылдардағы ең ірі табыстарының бірі. Ол ұзақ үзілістен кейін кәсіби деңгейде оралып, өз бабында екенін дәлелдеп отыр.