Qazaqstandıq tennisşi Zarina Dias Japoniyanıñ Kurume qalasında ötken ITF W50 turniriniñ çempionı atandı. Älemdik reytingte 318-orında twrğan sportşımız finalda jergilikti favoritti – japoniyalıq Ayano Şimicudı (WTA №288) tize büktirdi, dep habarlaydı Shalqar.kz.

Matç bastalğanda qarsılas 2:0 esebimen alğa şıqqanımen, Zarina birinşi sette esepti 6:4 etip öz paydasına şeşti. Ekinşi partiyada da Şimicu 2:0, keyin 3:1 esebimen köş bastap edi, alayda täjiribeli qazaqstandıq şabuılın üdetip, 6:3 nätijesimen matçtı ayaqtadı.

Finaldıq kezdesu 1 sağat 24 minutqa sozıldı.

Bwl jeñis — Zaranıñ soñğı jıldardağı eñ iri tabıstarınıñ biri. Ol wzaq üzilisten keyin käsibi deñgeyde oralıp, öz babında ekenin däleldep otır.