كوروناۆيرۋس ۇمىتىلعانداي كورىنگەنىمەن, ەلدە ينفەكتسييا تولىعىمەن جويىلعان جوق. جىل باسىنان بەرى 329 ادامنان كوروناۆيرۋس انىقتالعان, دەپ حابارلايدى Shalqar.kz.

بۇل تۋرالى دەنساۋلىق ساقتاۋ مينيسترلىگى حابارلادى. مينيسترلىك مالىمەتىنشە, ەپيدەميولوگييالىق احۋال ازىرگە تۇراقتى, اپتا سايىن ورتا ەسەپپەن 25 جاعداي تىركەلۋدە. اۋرۋدان قايتىس بولعاندار جوق.

قازىرگى تاڭدا ينفەكتسييالىق ستاتسيوناردا ەكى ناۋقاس ەم قابىلداپ جاتىر, جاعدايلارى – ورتاشا اۋىر. ەلىمىزدەگى ينفەكتسييالىق اۋرۋحانالارداعى توسەك-ورىنداردىڭ 27%-ى, ال رەانيماتسييا بولىمىنىڭ 2%-ى عانا بوس ەمەس.

ەسكە سالايىق, پاندەمييا باستالعالى بەرى قازاقستاندا 1,4 ميلليونعا جۋىق ادام كوروناۆيرۋسپەن اۋىرعان, ولاردىڭ 19 مىڭنان استامى ىندەت سالدارىنان كوز جۇمدى.

ماماندار تىنىس الۋ جولدارىنىڭ كەز كەلگەن اۋرۋى كەزىندە دارىگەرگە جۇگىنۋگە كەڭەس بەرەدى. ۆيرۋس تولىعىمەن جوعالعان جوق, سوندىقتان ساقتىق شارالارىن ەستەن شىعارماعان جون.