2024 جىلدان باستاپ ەلىمىزدە اۋىر جانە زيياندى ەڭبەك جاعدايىندا ۇزاق جىلدار بويى جۇمىس ىستەگەن ازاماتتار ارنايى الەۋمەتتىك تولەم الا باستادى. بۇل تولەم ولاردىڭ دەنساۋلىعىنا كەلگەن زالالدى از دا بولسا وتەپ, زەينەتكە شىققانعا دەيىنگى كەزەڭدە ماتەريالدىق كومەك رەتىندە قاراستىرىلعان, دەپ حابارلايدى Shalqar.kz.

كىمدەر الا الادى?
تولەمدى الۋ ۇشىن ەكى نەگىزگى شارت بار:
 • ازاماتتىڭ جاسى كەمىندە 55 بولۋى تيىس;
 • زەينەتاقى قورىندا (بجزق) كەمىندە 7 جىل بويى مىندەتتى كاسىپتىك زەينەتاقى جارنالارى تۇسۋى قاجەت.

تولەم قالاي ەسەپتەلەدى?
ارنايى تولەم بىر عانا كوزدەن ەمەس, تورت تۇرلى قايناردان قۇرالادى:
 • مەملەكەتتەن – 2 ەڭ تومەنگى كۇنكورىس دەڭگەيى مولشەرىندە;
 • ساقتاندىرۋ كومپانيياسىنان – 1 ەڭ تومەنگى كۇنكورىس دەڭگەيى;
 • جۇمىس بەرۋشىدەن – 1 ەڭ تومەنگى كۇنكورىس دەڭگەيى;
 • بجزق-دان – مىندەتتى كاسىپتىك جارنالار ەسەبىنەن.

بۇل تولەم زەينەت جاسىنا جەتكەنگە دەيىن تولەنەدى. بىراق بىر ماڭىزدى تالاپ بار – ازامات زيياندى جۇمىس ورنىن تاستاۋى تيىس. ەگەر ول جەڭىل جۇمىسقا اۋىسسا, تولەم جالاقىمەن بىرگە قوسا تولەنە بەرەدى. ال مۇلدە جۇمىس ىستەمەسە, تولەم تولىق ساقتالادى.