Жаңа оқу жылы тек жаңа кітаптар мен дәрістер емес — студенттер үшін қаржылық қолдау жағынан да жағымды жаңалықтар әкелмек. Ғылым және жоғары білім вице-министрі Талғат Ешенқұловтың айтуынша, 2024 жылдың 1 қыркүйегінен бастап Қазақстанда шәкіртақы көлемі едәуір өседі, деп хабарлайды Shalqar.kz.

Енді студенттер қанша алады?
 • Бакалавриат студенттері – 52 372 теңге
 • Магистранттар – 117 098 теңге
 • Докторанттар – 262 500 теңге

Бұл – соңғы жылдардағы ең ауқымды өсімдердің бірі. Мәселен, бакалавр деңгейіндегі шәкіртақы 2020 жылмен салыстырғанда екі есеге артқан. Ал магистратура мен докторантура шәкіртақысы – 1,75 есе өскен.

Грант саны да көбейген
2024–2025 оқу жылына мемлекет 93 116 білім грантын бөліп отыр. Бұл – 5 жыл бұрынғымен салыстырғанда 1,4 есе көп.