سوڭعى ۋاقىتتا الەۋمەتتىك جەلىلەردە سىرت كوزگە كۇلكىلى مۋلьتفيلьم سەكىلدى كورىنەتىن, بىراق استارىندا بالانىڭ ساناسىنا تەرىس اسەر ەتەتىن بەينەروليكتەر كوبەيىپ كەتتى. بۇل تۋرالى وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتى رەسمي تۇردە ەسكەرتۋ جاسادى, دەپ حابارلايدى Shalqar.kz.

ماسەلە نەدە?

«Brainrot» (اۋدارماسى — «مي شىرۋى») حەشتەگىمەن تاراپ جاتقان قىسقا انيماتسييالىق ۆيدەولاردىڭ ۇزاقتىعى نەبارى 15–45 سەكۋندتى قۇرايدى. بىراق بۇل قىسقا ۋاقىت ىشىندە بالانىڭ پسيحيكاسىنا اسەر ەتەتىن ۆەربالدىق تريگگەرلەر (مان-ماعىناسىز, بىراق قايتالاناتىن جانە ەستە قالاتىن سوزدەر) جاسىرىلادى.

مىسالى:
 • «تراللالەرو تراللاەرو» — شىن مانىندە دىني قورلاۋ ەلەمەنتتەرى بار سوزدەر.
 • «بومباردينو كروكاديلو — مەن پالەستيناداعى بالالارعا بومبا تاستاعاندى ۇناتامىن» — جاسىرىن دىبىستىق دەڭگەيدە بەرىلەتىن زورلىق-زومبىلىقتى ناسيحاتتايتىن فرازا.

قاۋىپ نەدە?
كوميتەت مالىمەتىنشە, مۇنداي كونتەنت:
 • بالانىڭ ادامگەرشىلىك قۇندىلىقتارىنا كەرى اسەر ەتەدى;
 • اگرەسسيۆتى مىنەز-قۇلىققا يتەرمەلەۋى مۇمكىن;
 • پسيحوەموتسييالىق ساۋلىققا قاۋىپ توندىرەدى.

مينيسترلىك قانداي شارالار قابىلداپ جاتىر?
وقۋ-اعارتۋ مينيسترلىگى بۇل ماسەلەگە قاتىستى زاڭنامانى جەتىلدىرۋ بويىنشا ۇسىنىستار دايىنداپ, مادەنيەت جانە اقپارات مينيسترلىگىنە جانە ىشكى ىستەر مينيسترلىگىنە جولدادى.

اتا-انالارعا كەڭەس:
 • بالانىڭ نە كورىپ, كىممەن بايلانىسىپ جۇرگەنىن باقىلاڭىز;
 • اشىق اڭگىمەلەسىپ, كۇماندى ۆيدەولار جايلى پىكىرلەسىڭىز;
 • كۇمان تۋدىراتىن بەينەماتەريالدار بايقالسا, بىردەن قۇزىرلى ورگاندارعا حابارلاڭىز.

ۇمىتپاڭىز: بالاڭىزدىڭ قاۋىپسىزدىگى — سىزدىڭ سانالى ارالاسۋىڭىزعا تىكەلەي بايلانىستى!