25 ماۋسىمنان باستاپ تىركەلمەگەن سمارتفوندار بۇعاتتالسا دا, قازاقستاندىقتار ولاردى دۇكەنگە وتكىزىپ, اقشاسىن قايتارىپ الا الادى. بۇل تۋرالى تسيفرلىق دامۋ مينيسترلىگى حابارلادى, دەپ حابارلايدى Shalqar.kz.

تيىستى اقپاراتتى تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگىنىڭ تەلەكوممۋنيكاتسييا كوميتەتىنىڭ توراعاسى دامير سەيسەمبەكوۆ مالىمدەدى.

– ەگەر تەلەفون تىركەلمەگەن بولىپ شىقسا, ونى ساتۋشىعا قانداي جاعداي بولماسىن ەش قىسىلماي قايتارۋعا بولادى. وزدەرىڭىز بىلەتىندەي, بىزدە تاۋاردى قايتارۋ ۇشىن 14 كۇندىك مەرزىم بار. ەگەر قۇرىلعىدا ايقىن زاقىم بولماسا (مىسالى, تەلەفون اشىلماعان بولسا) وندا ونى 25 ماۋسىمنان كەيىن قايتارۋعا بولادى, – دەپ تۇسىندىردى شەنەۋنىك.

قانداي تەلەفوندار قايتارىلادى?

ماجىلىس دەپۋتاتتارى دال قازىر «تۇتىنۋشىلاردىڭ قۇقىقتارىن قورعاۋ تۋرالى» زاڭعا تيىستى وزگەرىستەر ەنگىزىپ جاتىر. بۇل شارا – تىركەلمەگەن سمارتفوندار بۇعاتتالا باستاعاننان كەيىن تۋعان جاعدايعا بايلانىستى قابىلدانعان.

سەيسەمبەكوۆتىڭ ايتۋىنشا, دۇكەندەر جاڭا تالاپتاردان حاباردار. ال ەگەر ساتىپ الۋشى تىركەلمەگەن تەلەفوندى ساتىپ السا, ونى كەيىن دە تىركەتە الادى.

– بىز وسىنداي شەشىم قابىلدادىق. باج تولەنگەنىن راستاۋ نەمەسە قوسىمشا قۇجاتتاردى ۇسىنۋ قاجەت ەمەس. بۇل ازاماتتارىمىزدىڭ ىڭعايى ۇشىن جانە بەيىمدەلۋ كەزەڭى ۇشىن جاسالعان. بولاشاقتا ەرەجەلەر قايتا قارالىپ, اقىلى راسىم ەنگىزىلۋى مۇمكىن. بىراق بۇل تۋرالى قوسىمشا حابارلايمىز, – دەدى ول.