Қазақстандық былғары қолғап шеберлері Азияны дүр сілкіндірді. Шри-Ланкада өтіп жатқан бокстан U-22 Азия чемпионатында Қазақстанның қыздар құрамасы жастар арасындағы барлық финалдық жекпе-жекте жеңіске жетіп, 12 алтын медаль иеленді, деп хабарлайды Shalqar.kz.

Спортты дамыту дирекциясының хабарлауынша, бұл үлкен жетістік аға жаттықтырушы Жанкелді Ахметовтің басшылығымен мүмкін болды. Қазақ қыздары әр салмақта өз үстемдігін дәлелдеді.

Чемпион атанған спортшылар:
 • 48 кг – Айым Танкибаева
 • 50 кг – Сила Биболсынқызы
 • 52 кг – Рахмина Абдумежитова
 • 54 кг – Жанель Имантаева
 • 57 кг – Ақнұр Тұрсынғали
 • 60 кг – Толғанай Қасымхан
 • 63 кг – Алина Құдайгенова
 • 66 кг – Ақбота Есімбекова
 • 70 кг – Мария Сидоренко
 • 75 кг – Зарина Толыбай
 • 81 кг – Құралай Егінбайқызы
 • +81 кг – Сабина Жақсылық