عىلىمدا بۇرىننان بەرى سۋدىڭ پايدا بولۋى جايلى تۇرلى بولجامدار ايتىلىپ كەلگەن ەدى. ەندى عالىمدار سۋدىڭ تەك سىرتتان – مەتەوريتتەرمەن كەلگەنى تۋرالى پىكىرگە بالاما نۇسقا ۇسىندى. بۇل تۋرالى Shalqar.kz Discover پورتالىنا سىلتەمە جاساپ حابارلايدى.

زەرتتەۋشىلەر ەنستاتيتتى حوندريت دەپ اتالاتىن ەرەكشە مەتەوريتتى زەرتتەپ, تاڭقالارلىق تۇجىرىمعا كەلگەن. بۇل مەتەوريتتىڭ قۇرىلىمى مەن حيمييالىق قۇرامى العاشقى جەردىڭ ماتەريالدارىنا ۇقسايدى. انتاركتيدادا تابىلعان ۇلگى LAR 12252 دەپ اتالادى.

رەنتگەن ساۋلەلەرىنىڭ كومەگىمەن زەرتتەۋ جۇرگىزۋ بارىسىندا ونىڭ قۇرامىندا جەردىڭ تەرەڭ قاباتتارىنان تابىلۋى مۇمكىن كوپ مولشەردەگى كۇكىرتسۋتەك انىقتالعان. زەرتتەۋشى توم بەررەتتىڭ ايتۋىنشا, مۇنداي دەڭگەيدەگى زات سىرتتان كەلگەن نىساننان ەمەس, پلانەتانىڭ ىشكى قۇرىلىمىنان عانا شىعۋى مۇمكىن.

– بۇل جاڭالىق سۋدىڭ پايدا بولۋىنا قاتىستى كوزقاراستى تۇبەگەيلى وزگەرتۋى مۇمكىن. ياعني, سۋ بىز ويلاعانداي مەتەوريتپەن كەلمەگەن, ول جەردىڭ وز ىشىندە تابيعي جولمەن قالىپتاسقان, – دەيدى زەرتتەۋ اۆتورلارى.

وسىلايشا, سۋ – تىرشىلىكتىڭ باستاۋى عانا ەمەس, جەردىڭ وزىندىك ەۆوليۋتسيياسىنىڭ بىر بولىگى بولۋى مۇمكىن.