Bügin – qazaq arheologiyasınıñ negizin qalağan, «Altın adamdı» alğaş bolıp tapqan körnekti ğalım Kemel Aqışevtıñ tuğanına 101 jıl. Ol – Qazaqstan ğılımınıñ alıp twlğası, arheologiyanı jaña deñgeyge kötergen tarihi qayratker, dep habarlaydı Shalqar.kz.

1924 jılı Pavlodar oblısı, Bayanauıl öñirinde düniege kelgen Kemel Aqışev jastayınan bilim men izdeniske bet bwrdı. Soğıs jıldarı maydan şebinde bolğanımen, keyin ğılım jolına tüsip, köne däuir qwpiyaların zertteuge kiristi.

Kemel Aqışevtıñ esimi Esik qorğanınan tabılğan «Altın adammen» tığız baylanıstı. Bwl jañalıq Qazaqstan tarihın älemge äygili etti. Bwdan bölek, ğalım Besşatır, Otırar, Şilikti siyaqtı ejelgi eskertkişterdi zerttep, erte temir däuiriniñ mädenietin ğılımi twrğıdan negizdedi.

2000 jılı ol L.N. Gumilev atındağı Euraziya wlttıq universitetinde arheologiyalıq rekonstrukciya laboratoriyasın qwrdı. Zertteuşilik eñbegi elenip, Qazaqstan Memlekettik sıylığı men «Parasat» ordenin ielendi.

Büginde elordadağı №69 mektep-gimnaziyası ğalımnıñ esimimen ataladı. Wlt tarihınıñ şejiresin jañğırtqan twlğanıñ eñbegi eşqaşan wmıtılmaq emes.