اۆسترالييانىڭ وڭتۇستىك-شىعىس بولىگىندەگى جويقىن سۋ تاسقىنى بۇكىل ەلدى ەسەڭگىرەتىپ كەتتى. ۇش كۇن بويى تولاسسىز جاۋعان جاڭبىردىڭ سالدارىنان كەم دەگەندە بەس ادام قازا تاۋىپ, 10 مىڭنان استام ۇي مەن عيمارات سۋ استىندا قالدى, دەپ حابارلايدى Shalqar.kz Reuters اقپارات اگەنتتىگىنە سىلتەمە جاساپ.


پرەمьەر-مينيستر ەنتوني البانەزە ەل ۇكىمەتىنىڭ زارداپ شەككەن وڭىرلەرگە كومەك كورسەتىپ جاتقانىن, تازالاۋ جۇمىستارى قارقىندى جۇرىپ جاتقانىن مالىمدەدى. سۋ تاسقىنىنىڭ سوڭعى قۇربانى – 80 جاستاعى ەر ادام, ونىڭ دەنەسى ەڭ كوپ زارداپ شەككەن ايماقتاردىڭ بىرىنەن تابىلعان.

قازىر جۇزدەگەن تۇرعىن ەۆاكۋاتسييالىق ورتالىقتاردا باس ساۋعالاپ وتىر. تابيعات اپاتى 50 مىڭعا جۋىق ادامنىڭ بايلانىستان اجىراۋىنا سەبەپ بولعان. اۋماقتار وقشاۋلانىپ, ينفراقۇرىلىم بۇزىلعان.

كليماتتانۋشىلار بۇل اپاتتىڭ سەبەبىن جاھاندىق كليمات وزگەرىسىمەن بايلانىستىرادى. تابيعي اپاتتاردىڭ جيىلەۋى – بولاشاقتا مۇنداي وقيعالاردىڭ تاعى دا قايتالانۋ قاۋپى بار ەكەنىن كورسەتەدى.