قازاقستاندا قازاق ىمداۋ تىلى مەن داكتيلь الىپبيىن دامىتۋعا باعىتتالعان ماڭىزدى جوبا قولعا الىندى. بۇل تۋرالى پرەمьەر-مينيستردىڭ ورىنباسارى ەرمەك كوشەرباەۆ مالىمدەدى, دەپ حابارلايدى Shalqar.kz.

قازىرگى تاڭدا ەلىمىزدە رەسمي تانىلعان ىمداۋ تىلى جوق, بۇل ەستۋ قابىلەتى شەكتەۋلى ازاماتتاردىڭ بىلىم الۋ, الەۋمەتتىك قىزمەتتەرگە قول جەتكىزۋ جانە قوعام ومىرىنە ارالاسۋ مۇمكىندىگىن شەكتەپ وتىر. كوشەرباەۆتىڭ ايتۋىنشا, قازاق ىمداۋ تىلىنىڭ پايدا بولۋى – ينكليۋزييانى ارتتىراتىن جانە تەڭ مۇمكىندىكتەرگە جول اشاتىن تاريحي باستاما بولماق.

“ىمداۋ تىلىن ازىرلەۋ بارىسىندا حالىقارالىق تاجىريبە نەگىزگە الىنادى. ۇلىبريتانييا, اۋسترالييا, نورۆەگييا, يسپانييا سىندى ەلدەردە مۇنداي تىل رەسمي تۇردە قولدانىلادى. قازاقستان بۇل تاجىريبەنى وز ەرەكشەلىكتەرىنە بەيىمدەيدى”, – دەدى ۆيتسە-پرەمьەر.

جوبا اياسىندا داكتيلь الىپبيى جاسالىپ, ارنايى سوزدىك قۇراستىرىلادى. سونىمەن قاتار, ىمداۋ تىلى اۋدارماشىلارىن دايارلايتىن باعدارلامالار مەن وقۋلىقتار ەنگىزۋ جوسپارلانعان. بۇل باستاما مەكتەپتەر مەن الەۋمەتتىك مەكەمەلەردە دە كەڭىنەن قولدانىلماق.

ايتا كەتەيىك, قازاق داكتيلь الىپبيى العاش رەت 1998 جىلى ەنگىزىلىپ, ەستۋ قابىلەتى بۇزىلعان بالالارعا ارنالعان “الىپپە” وقۋلىعىندا قولدانىلعان بولاتىن.