Qazaqstanda qazaq ımdau tili men daktil' älipbiin damıtuğa bağıttalğan mañızdı joba qolğa alındı. Bwl turalı prem'er-ministrdiñ orınbasarı Ermek Köşerbaev mälimdedi, dep habarlaydı Shalqar.kz.

Qazirgi tañda elimizde resmi tanılğan ımdau tili joq, bwl estu qabileti şekteuli azamattardıñ bilim alu, äleumettik qızmetterge qol jetkizu jäne qoğam ömirine aralasu mümkindigin şektep otır. Köşerbaevtıñ aytuınşa, qazaq ımdau tiliniñ payda boluı – inklyuziyanı arttıratın jäne teñ mümkindikterge jol aşatın tarihi bastama bolmaq.

“Imdau tilin äzirleu barısında halıqaralıq täjiribe negizge alınadı. Wlıbritaniya, Australiya, Norvegiya, Ispaniya sındı elderde mwnday til resmi türde qoldanıladı. Qazaqstan bwl täjiribeni öz erekşelikterine beyimdeydi”, – dedi vice-prem'er.

Joba ayasında daktil' älipbii jasalıp, arnayı sözdik qwrastırıladı. Sonımen qatar, ımdau tili audarmaşıların dayarlaytın bağdarlamalar men oqulıqtar engizu josparlanğan. Bwl bastama mektepter men äleumettik mekemelerde de keñinen qoldanılmaq.

Ayta keteyik, qazaq daktil' älipbii alğaş ret 1998 jılı engizilip, estu qabileti bwzılğan balalarğa arnalğan “Älippe” oqulığında qoldanılğan bolatın.