Äzerbayjan astanası Bakude ötip jatqan şağın futboldan älem çempionatında bügin Qazaqstan qwraması mañızdı matçqa şığadı. Bizdiñ jigitter F tobındağı kezekti qarsılası – AQŞ qwramasımen küş sınasadı. Qarsılas osal emes, biraq jeñis ümiti de bar. Matç Astana uaqıtımen 21:35-te bastaladı, oyındı «Qazsport» telearnasınan tikeley tamaşalauğa boladı, dep habarlaydı Shalqar.kz.

Qazaqstan qwraması bwğan deyin Pol'şamen oynap, 1:2 esebimen jeñilgen, al Bosniya jäne Gercogovinamen kezdesu 1:1 esebimen teñ ayaqtaldı. Endi toptan şığu üşin AQŞ-pen oyındağı nätije şeşuşi bolmaq.

Jalpı, biılğı çempionatqa 32 qwrama qatısıp jatır. Jarıs Bükilälemdik şağın futbol federaciyasınıñ (WMF) bastamasımen wyımdastırılğan. Aytulı doda 1 mausımda öz märesine jetedi.

Ayta keteyik, Qazaqstan qwraması ötken, 2023 jılğı çempionatta pley-off kezeñinde Rumıniyağa penal'ti seriyasında ese jiberip (2:2, penal'ti 11:12), şirek finalğa jete almağan edi.

Älem çempionatı alğaş ret 2015 jılı ötkizildi jäne sol uaqıttan beri är eki jıl sayın ötedi. Turnirlerdiñ geografiyası da auqımdı: Tunis, Australiya, BAÄ – barlığı osı jarıstıñ alañına aynaldı. 2021 jılı pandemiyağa baylanıstı turnir ötpey qaldı.