Оңтүстік Кореяның Гуми қаласында өтіп жатқан жеңіл атлетикадан Азия чемпионатында Қазақстан алғашқы алтын медальін жеңіп алды. Бұл жолы еліміздің атын әйгілі еткен — Дейзи Джепкемей, деп хабарлайды Shalqar.kz.

Ол 10 000 метрге жүгіруде қарсыластарына шаң қаптырып, 30 минут 48.44 секунд нәтижесімен мәреге бірінші болып жетті. Бұл көрсеткіш – Азия деңгейінде жоғары нәтиже саналады.

Жарыста екінші және үшінші орындарды Жапония құрамасының мүшелері Ририка Хиронака (30:56.32) мен Микуни Яда (31:12.21) еншіледі.

Айта кетейік, бұл – Қазақстан құрамасының Азия чемпионатындағы екінші медалі. Бұған дейін Ясмина Тоқсанбаева 20 шақырымдық спорттық жүрісте қола медаль еншілеген болатын.