الەمدە COVID-19 ىندەتىنىڭ جاڭا شتامى تىركەلىپ جاتقان تۇستا, قازاقستانداعى ەپيدەميولوگييالىق جاعداي ازىرگە تۇراقتى. بۇل تۋرالى دەنساۋلىق ساقتاۋ مينيسترلىگىنىڭ سانيتارييالىق-ەپيدەميولوگييالىق باقىلاۋ كوميتەتى مالىمدەدى, دەپ حابارلايدى Shalqar.kz.

ساراپشىلاردىڭ ايتۋىنشا, اقش-تا تىركەلگەن NB.1.8.1 دەپ اتالاتىن جاڭا نۇسقا ۆيرۋستىڭ بۇرىنعى تۇرلەرىنە قاراعاندا الدەقايدا جۇقپالى. ول العاش رەت بيىل قاڭتاردا قىتايدا انىقتالعان.

الايدا, مينيسترلىك قازاقستاندا جاعداي الاڭداۋعا نەگىز جوق ەكەنىن ايتادى. بيىل جىل باسىنان بەرى ەلدە COVID-19 ىندەتىنىڭ 362 جاعدايى تىركەلگەن. بۇل – وتكەن جىلدىڭ دال وسىنداي كەزەڭىمەن سالىستىرعاندا 3,4 ەسە تومەن كورسەتكىش. ەڭ باستىسى – ولىم-جىتىم جوق, سىرقاتتاردىڭ بارى جەڭىل فورمادا وتىپ, امبۋلاتورييالىق جاعدايدا ەمدەلىپ جاتىر.

ناقتى قانداي شتامدار انىقتالدى?
قازاقستاندا COVID-19 اينالىمى توقسان سايىن زەرتتەلىپ وتىرادى. بيىل انىقتالعان جاعدايلاردىڭ بارلىعى – “وميكرون” نۇسقاسىنا جاتادى. ونىڭ ىشىندە JN.1 قوسالقى تۇرى جانە LF.7.1.3, LP.8.1, LF.7.6, KP.3.1.1 تارماقتارى تىركەلگەن.

مينيسترلىك الەمدەگى جانە ەل ىشىندەگى جاعدايعا اپتا سايىن مونيتورينگ جۇرگىزىپ وتىراتىنىن ەسكەرتىپ, ساقتىق شارالارىن ەلەمەۋگە بولمايتىنىن ەسكە سالادى. ماسكا مەن جەكە گيگيەنانى ساقتاۋ — بۇرىنعىداي وزەكتى.