Älemde COVID-19 indetiniñ jaña ştamı tirkelip jatqan twsta, Qazaqstandağı epidemiologiyalıq jağday äzirge twraqtı. Bwl turalı Densaulıq saqtau ministrliginiñ Sanitariyalıq-epidemiologiyalıq baqılau komiteti mälimdedi, dep habarlaydı Shalqar.kz.

Sarapşılardıñ aytuınşa, AQŞ-ta tirkelgen NB.1.8.1 dep atalatın jaña nwsqa virustıñ bwrınğı türlerine qarağanda äldeqayda jwqpalı. Ol alğaş ret biıl qañtarda Qıtayda anıqtalğan.

Alayda, ministrlik Qazaqstanda jağday alañdauğa negiz joq ekenin aytadı. Biıl jıl basınan beri elde COVID-19 indetiniñ 362 jağdayı tirkelgen. Bwl – ötken jıldıñ däl osınday kezeñimen salıstırğanda 3,4 ese tömen körsetkiş. Eñ bastısı – ölim-jitim joq, sırqattardıñ bäri jeñil formada ötip, ambulatoriyalıq jağdayda emdelip jatır.

Naqtı qanday ştamdar anıqtaldı?
Qazaqstanda COVID-19 aynalımı toqsan sayın zerttelip otıradı. Biıl anıqtalğan jağdaylardıñ barlığı – “Omikron” nwsqasına jatadı. Onıñ işinde JN.1 qosalqı türi jäne LF.7.1.3, LP.8.1, LF.7.6, KP.3.1.1 tarmaqtarı tirkelgen.

Ministrlik älemdegi jäne el işindegi jağdayğa apta sayın monitoring jürgizip otıratının eskertip, saqtıq şaraların elemeuge bolmaytının eske saladı. Maska men jeke gigienanı saqtau — bwrınğıday özekti.