Қазақстандық жас спортшылар халықаралық аренада тағы да ел мерейін үстем етті. Өзбекстан астанасы Ташкентте өткен үстел теннисінен WTT Youth Contender Tashkent 2025 турнирінде біздің құрама 7 медаль иеленді. Оның үшеуі – алтын, деп хабарлайды Shalqar.kz.

Жеңіс тұғырына көтерілгендер:
 • Алан Құрманғалиев – 19 жасқа дейінгі санатта топ жарды.
 • Абдулла Мамай мен Ноила Ханиязова – 19 жасқа дейінгі аралас жұптар сайысында алтын иеленді.
 • Аделя Алжанова – 11 жасқа дейінгі бәсекеде қарсылас шақ келтірмей, чемпион атанды.

Күміс жүлде иесі – 11 жасқа дейінгі қыздар арасындағы жарыста өнер көрсеткен Назерке Болатбек.

Қола медаль иегерлері:
 • Дарья Гамова – 19 жасқа дейін,
 • Алексей Маркин – 15 жасқа дейін,
 • Жәния Бекмұхамбетова – 13 жасқа дейін.

Осылайша, Қазақстан құрамасы Ташкенттен 3 алтын, 1 күміс және 3 қола медальмен елге оралды.