الماتى جاستارىنا جاقسى جاڭالىق! ەلىمىزدە العاش رەت TikTok پلاتفورماسىندا كونتەنت جاساۋدى ۇيرەتەتىن تەگىن مەكتەپ اشىلادى. بۇل ەرەكشە جوبانى الماتى قالاسى جاستار ساياساتى باسقارماسى قولداپ وتىر, دەپ حابارلايدى Shalqar.kz.

كرەاتيۆكە تولى كۋرس ەكى ايعا جالعاسادى جانە ارالاس فورماتتا وتەدى: جارتىسى – ونلاين, جارتىسى – وفلاين. ساباقتاردى 23 ميلليوننان استام اۋديتوريياسى بار تانىمال TikTok مامانى مەن بلوگەر وتكىزەدى.

  نە ۇيرەتىلەدى?
 • TikTok ترەندتەرى مەن پلاتفورمانىڭ الگوريتمدەرى
 • كونتەنت جاساۋ مەن ستوريتەللينگ نەگىزدەرى
 • ۆيدەو تۇسىرۋ مەن مونتاجداۋ ادىستەرى
 • جەكە برەند قالىپتاستىرۋ
 • اۋديتورييامەن تيىمدى بايلانىس ورناتۋ

الماتى قالاسى جاستار ساياساتى باسقارماسى بۇل جوبانى جاستاردىڭ شىعارماشىلىق الەۋەتىن اشاتىن جانە تسيفرلىق يندۋستريياعا باعىتتايتىن تاپتىرماس مۇمكىندىك رەتىندە باعالاپ وتىر.

العاشقىلاردىڭ بىرى بولىپ تىركەلگەن — ەرنار سەمبەكوۆ. ول:
«بۇل مەكتەپ مەن ۇشىن كونتەنتپەن دۇرىس جۇمىس ىستەۋدى ۇيرەنۋگە ۇلكەن مۇمكىندىك. ساراپشىلاردان اقىل-كەڭەستەر الىپ, وز يدەيالارىمدى ساتتى جوبالارعا اينالدىرۋدى ۇيرەنەمىن دەپ ۇمىتتەنەمىن», – دەيدى.

وتىنىم قابىلداۋ 6 ماۋسىمعا دەيىن جالعاسادى.