قازاقستاندا دارى-دارمەك باعاسىن قايتا ەسەپتەۋ باستالدى. دەنساۋلىق ساقتاۋ مينيسترلىگى دارى-دارمەك باعاسىن بەلگىلەۋ مودەلىن وزگەرتىپ, نەگىزسىز ۇستەمەاقىلاردى الىپ تاستاۋ ارقىلى باعانى تومەندەتۋدى كوزدەپ وتىر, دەپ حابارلايدى Shalqar.kz.

بۇل تۋرالى دەنساۋلىق ساقتاۋ ۆيتسە-مينيسترى ەرجان نۇرلىباەۆ ورتالىق كوممۋنيكاتسييالار قىزمەتىندەگى بريفينگتە مالىمدەدى.

“دارىلەرگە باعا بەلگىلەۋ مودەلى وزگەردى. بۇرىن قوسىلعان نەگىزسىز ۇستەمە باعالار الىنىپ تاستالدى”, – دەدى ۆيتسە-مينيستر.

ەسكى جۇيەدە دارى-دارمەك باعاسىنا ماركەتينگ, تاسىمالداۋ, كەدەندىك راسىمدەۋ جانە باسقا دا ۇستەماقىلار قوسىلاتىن. جاڭا مودەلь بويىنشا تەك بىر عانا ۇستەمە اقى ەسەپتەلمەك – وندىرۋشىنىڭ زاۋىتتاعى باعاسىنا قوسىلاتىن تىكەلەي ۇستەمە.

“بۇل جۇيە تاجىريبە جۇزىندە سىنالدى. سونىڭ نەگىزىندە, 1 شىلدەگە دەيىن ەلىمىزدە تىركەلگەن بارلىق دارى-دارمەك باعاسى قايتا ەسەپتەلەدى”, – دەدى ەرجان نۇرلىباەۆ.

جاڭا جۇيە ناتيجەسىندە حالىق كوپ تۇتىناتىن پرەپاراتتار باعاسى ايتارلىقتاي تومەندەۋى مۇمكىن. بۇل اسىرەسە الەۋمەتتىك از قامتىلعان توپتار مەن سوزىلمالى اۋرۋعا شالدىققان ناۋقاستار ۇشىن تيىمدى بولماق.