Жетісу облысында үлкен резонанс тудырған Шерзат Полаттың өліміне қатысты атышулы қылмыстық іс бойынша сот үкімі шықты. Талдықорғанда өткен сот отырысында 16 жастағы жасөспірімнің өліміне кінәлі деп танылған 9 адамға қатысты шешім жарияланды, деп хабарлайды Shalqar.kz.

Сот шешімі қандай болды?

Қылмыстық топтың мүшелеріне келесідей жаза тағайындалды:
 • Абзал Шынасыл – 23 жыл бас бостандығынан айырылды;
 • Равиль Сакиев – 20 жыл;
 • Азамат Тоқтаубаев – 15 жыл;
 • Шыңғыс Белғожаев, Дархан Әскентай, Нұрбол Тоқтаубаев, Дидар Қалиахмет – әрқайсысы 7 жылдан жаза алды;
 • Нұрқияс Ілиясов – 9 жыл;
 • Думан Ысқақ (кәмелетке толмаған) – 1 жыл 6 ай.

Еске салайық:

Шерзат Полаттың өлімі 2023 жылы елді дүр сілкіндірген оқиғалардың бірі болды. Бұл іс бойынша барлығы 9 адамға айып тағылған болатын.

Мемлекеттік айыптаушы Дана Сәрсенбай өткен аптадағы жарыссөз барысында айыпталушыларға 1,5 жылдан 23 жылға дейін жаза тағайындауды сұраған еді. Сот шешімі сол ұсынысқа сай шықты.