تۇركييادا قۇربان ايت مەيرامى كەزىندە 14 372 ادام قۇرباندىق شالۋ بارىسىندا جاراقات الىپ, مەديتسينالىق كومەككە جۇگىنگەن. بۇل تۋرالى ەلدىڭ دەنساۋلىق ساقتاۋ مينيسترى كەمال مەميشوعلۋ رەسمي تۇردە مالىمدەدى, دەپ حابارلايدى Shalqar.kz.

مينيستردىڭ ايتۋىنشا, بۇل سان تەك اۋرۋحاناعا جۇگىنگەن ازاماتتارعا عانا قاتىستى. جاراقات العاندار ەڭ كوپ تىركەلگەن قالا – انكارا (1 049 ادام), ودان كەيىن ستامبۋل (753 ادام) مەن كونьيا (655 ادام) تۇر.

“قۇرباندىق شالۋمەن تەك كاسىبي ماماندار اينالىسۋى كەرەك”, – دەپ جازدى مينيستر X الەۋمەتتىك جەلىسىندەگى پاراقشاسىندا.

ايتا كەتەيىك, قۇربان ايت مەيرامى قارساڭىندا قازاقستان مۇسىلماندارى دىني باسقارماسى دا حالىققا قاۋىپسىزدىك شارالارىن ساقتاۋدى ەسكەرتكەن بولاتىن.

ساراپشىلاردىڭ ايتۋىنشا, قۇرباندىق شالۋ – دىني راسىم عانا ەمەس, قاۋىپسىزدىك پەن گيگيەنا تالاپتارىن مۇقييات ساقتاۋدى قاجەت ەتەتىن پروتسەسس. وكىنىشكە قاراي, تۇركييادا بۇل ەرەجەلەردى ەلەمەۋدىڭ سالدارى مىڭداعان جاراقاتپەن اياقتالدى.