الەمنىڭ ەڭ باي ادامدارىنىڭ بىرى, Microsoft كومپانيياسىنىڭ نەگىزىن قالاۋشى بيلل گەيتس وزىنىڭ بار بايلىعىن دەرلىك افريكا قۇرلىعىنىڭ دامۋىنا ارناماق. ونىڭ ايتۋىنشا, كەلەسى 20 جىلدا ول شامامەن 200 ميلليارد دوللار كولەمىندە قارجى سالىپ, العاشقى مەديتسينالىق كومەكتى جەتىلدىرۋ مەن حالىقتىڭ ومىر ساپاسىن جاقسارتۋعا كۇش سالادى, دەپ حابارلايدى Shalqar.kz.

«مەن بايلىعىمدى كەلەسى 20 جىلدا بەرۋ جونىندە شەشىم قابىلدادىم. بۇل قارجىنىڭ كوپ بولىگى افريكاداعى تۇيتكىلدى ماسەلەلەردى شەشۋگە باعىتتالادى», – دەلىنگەن بيلل جانە مەليندا گەيتس قورىنىڭ 2 ماۋسىمداعى رەسمي مالىمدەمەسىندە.

گەيتس اسىرەسە العاشقى مەديتسينالىق-سانيتارلىق كومەك جۇيەسىن دامىتۋعا ەرەكشە كوڭىل بولمەك. ونىڭ پىكىرىنشە, دەنساۋلىق ساقتاۋ ينفراقۇرىلىمىنا سالىناتىن بۇل ينۆەستيتسييا افريكا حالقىنىڭ تاعدىرىن تۇبەگەيلى وزگەرتە الادى.

گەيتس قورى بۇعان دەيىن دە افريكادا ۆاكتسيناتسييا, اۋرۋلاردى باقىلاۋ جانە اۋىل شارۋاشىلىعىن دامىتۋ بويىنشا بىرقاتار اۋقىمدى جوبالار جۇرگىزگەن بولاتىن. ال بۇل جاڭا قادام قۇرلىقتاعى ەڭ ىرى جەكە فيلانتروپييالىق ينۆەستيتسييا بولماق.

نەلىكتەن دال افريكا? ساراپشىلاردىڭ پىكىرىنشە, بۇل ايماق الى كۇنگە دەيىن تۇراقتى مەديتسينالىق قىزمەتكە مۇقتاج. گەيتس وسى ولقىلىقتى تولتىرۋدى ماقسات ەتىپ وتىر.