Älemniñ eñ bay adamdarınıñ biri, Microsoft kompaniyasınıñ negizin qalauşı Bill Geyts öziniñ bar baylığın derlik Afrika qwrlığınıñ damuına arnamaq. Onıñ aytuınşa, kelesi 20 jılda ol şamamen 200 milliard dollar köleminde qarjı salıp, alğaşqı medicinalıq kömekti jetildiru men halıqtıñ ömir sapasın jaqsartuğa küş saladı, dep habarlaydı Shalqar.kz.

«Men baylığımdı kelesi 20 jılda beru jöninde şeşim qabıldadım. Bwl qarjınıñ köp böligi Afrikadağı tüytkildi mäselelerdi şeşuge bağıttaladı», – delingen Bill jäne Melinda Geyts qorınıñ 2 mausımdağı resmi mälimdemesinde.

Geyts äsirese alğaşqı medicinalıq-sanitarlıq kömek jüyesin damıtuğa erekşe köñil bölmek. Onıñ pikirinşe, densaulıq saqtau infraqwrılımına salınatın bwl investiciya Afrika halqınıñ tağdırın tübegeyli özgerte aladı.

Geyts qorı bwğan deyin de Afrikada vakcinaciya, aurulardı baqılau jäne auıl şaruaşılığın damıtu boyınşa birqatar auqımdı jobalar jürgizgen bolatın. Al bwl jaña qadam qwrlıqtağı eñ iri jeke filantropiyalıq investiciya bolmaq.

Nelikten däl Afrika? Sarapşılardıñ pikirinşe, bwl aymaq äli künge deyin twraqtı medicinalıq qızmetke mwqtaj. Geyts osı olqılıqtı toltırudı maqsat etip otır.