بۇگىن قازاقستان ۇلتتىق قۇراماسى 2026 جىلعى فۋتبولدان الەم چەمپيوناتىنا ىرىكتەۋ كەزەڭىندەگى اسا ماڭىزدى ماتچقا شىعادى. قارسىلاس — تاجىريبەلى سولتۇستىك ماكەدونييا قۇراماسى. ويىن “استانا ارەنادا” ساعات 18:50-دە وتەدى, دەپ حابارلايدى Shalqar.kz.

بۇل — ىرىكتەۋدىڭ ۇشىنشى تۋرى. ماتچ ناتيجەسى قازاقستاننىڭ توپتاعى تاعدىرىنا, ارى قاراي جارىستى جالعاستىرۋ مۇمكىندىگىنە تىكەلەي اسەر ەتپەك. سوندىقتان بۇگىنگى تەكەتىرەس — تۋرنيرلىك جولدىڭ شەشۋشى كەزەڭدەرىنىڭ بىرى.

جاقىندا قازاقستان قۇراماسى بەلارۋسьپەن جولداستىق كەزدەسۋ وتكىزىپ, ىرى ەسەپپەن جەڭىلدى. ويىننان كەيىن جانكۇيەرلەر مەن ساراپشىلار اراسىندا تۇرلى سۇراقتار تۋىندادى. كوماندانىڭ قورعانىس شەبىندەگى السىزدىك پەن جاس ويىنشىلاردىڭ تاجىريبەسىزدىگى كوزگە ۇرىپ تۇردى.

«بۇل جاعداي رەسمي ماتچ الدىنداعى كوماندانىڭ مورالьدىق احۋالىنا اسەر ەتتى. دەگەنمەن بۇگىنگى ويىن – بارىن وزگەرتۋگە مۇمكىندىك», – دەيدى فۋتبول ساراپشىسى اسقار قوجابەرگەنوۆ.

سولتۇستىك ماكەدونييا — مىقتى ارى تاجىريبەلى كوماندا. ولار جۋىردا عانا بەلьگييامەن تەڭ ويناپ, جوعارى دەڭگەيلى ويىن كورسەتتى. 2021 جىلى قازاقستان دال وسى قۇرامامەن كەزدەسىپ, 0:4 ەسەبىمەن جەڭىلگەن بولاتىن.

قازاقستان ۇشىن بۇل – تەك ۇش ۇپاي ەمەس, وز بەدەلىن, جانكۇيەر سەنىمىن جانە بولاشاققا سەنىمدىلىكتى قايتارۋ ويىنى.