قازاقستاندا تۇرمىستىق تەحنيكا وندىرىسى قارقىن الىپ كەلەدى. بۇرىن تەك شەتەلدەن تاسىمالداناتىن تەلەديدار, كىر جۋعىش ماشينا مەن توڭازىتقىشتار ەندى ەلىمىزدە قۇراستىرىلىپ جاتىر. بۇل – ىشكى سۇرانىس, ينۆەستيتسييا جانە زاماناۋي تەحنولوگييالاردىڭ ۇشتاسقان جەتىستىگى, دەپ حابارلايدى Shalqar.kz.

مىسالى, قاراعاندى وبلىسىنداعى “Silk Road Electronics” زاۋىتى 2024 جىلى 181 مىڭنان استام تەحنيكا شىعاردى. ونىڭ ىشىندە تەلەديدارلار مەن كىر جۋعىش ماشينالار Samsung كومپانيياسىنىڭ قولداۋىمەن جوعارى ساپادا قۇراستىرىلىپ جاتىر.

الماتى وبلىسى, جارمۇحامبەت اۋىلىنداعى “ALMATY TURMYSTYQ TEHNIKA ZAVODY” اس ۇي تەحنيكاسىن شىعارىپ جاتىر. ولار دا وندىرىستى كەڭەيتىپ, جۋىردا تەلەديدار, مۇزداتقىش جانە توڭازىتقىش سيياقتى ونىمدەردى شىعارا باستاماق.

سونىمەن قاتار, الماتى قالاسىنداعى “الاتاۋ” اەا ورنالاسقان “DS Multimedia CA” زاۋىتى Xiaomi برەندىنىڭ تەلەديدارلارىن 2024 جىلدىڭ اقپانىنان باستاپ شىعارا باستادى. قازىردىڭ وزىندە 50 مىڭ دانا تەحنيكا وندىرىلگەن.

مۇنىڭ بارى – قازاقستان يندۋستريياسىنىڭ جاڭا تىنىسى. ۇكىمەت بۇل سالانى قولداپ, وندىرىستى جەرگىلىكتەندىرۋ, جاڭا جۇمىس ورىندارىن اشۋ جانە ەكسپورتتىق الەۋەتتى ارتتىرۋ باعىتىندا ناقتى قادامدار جاساۋدا.