Qazaqstanda twrmıstıq tehnika öndirisi qarqın alıp keledi. Bwrın tek şetelden tasımaldanatın teledidar, kir juğış maşina men toñazıtqıştar endi elimizde qwrastırılıp jatır. Bwl – işki swranıs, investiciya jäne zamanaui tehnologiyalardıñ wştasqan jetistigi, dep habarlaydı Shalqar.kz.

Mısalı, Qarağandı oblısındağı “Silk Road Electronics” zauıtı 2024 jılı 181 mıñnan astam tehnika şığardı. Onıñ işinde teledidarlar men kir juğış maşinalar Samsung kompaniyasınıñ qoldauımen joğarı sapada qwrastırılıp jatır.

Almatı oblısı, Jarmwhambet auılındağı “ALMATY TURMYSTYQ TEHNIKA ZAVODY” as üy tehnikasın şığarıp jatır. Olar da öndiristi keñeytip, juırda teledidar, mwzdatqış jäne toñazıtqış siyaqtı önimderdi şığara bastamaq.

Sonımen qatar, Almatı qalasındağı “Alatau” AEA ornalasqan “DS Multimedia CA” zauıtı Xiaomi brendiniñ teledidarların 2024 jıldıñ aqpanınan bastap şığara bastadı. Qazirdiñ özinde 50 mıñ dana tehnika öndirilgen.

Mwnıñ bäri – Qazaqstan industriyasınıñ jaña tınısı. Ükimet bwl salanı qoldap, öndiristi jergiliktendiru, jaña jwmıs orındarın aşu jäne eksporttıq äleuetti arttıru bağıtında naqtı qadamdar jasauda.