قازاقستاندىق بالۋان جاميلا باقبەرگەنوۆا ايەلدەر كۇرەسى بويىنشا الەمدىك رەيتينگتە بىرىنشى ورىنعا تۇراقتادى. بۇل تۋرالى بىرىككەن كۇرەس الەمى (UWW) جاڭارتىلعان تىزىمىندە جارييالادى, دەپ حابارلايدى Shalqar.kz.

72 كەلى سالماق دارەجەسىندە ونەر كورسەتەتىن جاميلا 2025 جىلى امماندا وتكەن ازييا چەمپيوناتىندا التىن مەدالь جەڭىپ الىپ, بىردەن 10 000 ۇپايدى ەنشىلەگەن. بۇل ناتيجە ونىڭ جالپى ۇپايىن 51 000-عا جەتكىزىپ, جاھاندىق كوشباسشىلىقتى ساقتاپ قالۋعا مۇمكىندىك بەردى.

ۇلتتىق وليمپيادالىق كوميتەت مالىمەتىنشە, باقبەرگەنوۆا بيىلعى ماۋسىمدا وزىنىڭ تۇراقتىلىعىمەن, شەبەرلىگىمەن جانە جەڭىسكە دەگەن جىگەرىمەن ەرەكشە كوزگە تۇسىپ وتىر.

 • 2-ورىندا — 45 000 ۇپاي جيناعان جاپونييالىق امي يشي;
 • 3-ورىندا — موڭعولييانىڭ وكىلى بولورتۋنگالاگ زوريگت (34 700 ۇپاي).

جاميلا باقبەرگەنوۆانىڭ بۇل جەتىستىگى — تەك جەكە جەڭىس ەمەس, قازاقستاندىق ايەلدەر كۇرەسىنىڭ بيىك دەڭگەيىن كورسەتەتىن كورسەتكىش.