Qazaq boksındağı bastı ümit, orta salmaqtağı WBO çempionı Jänibek Älimhanwlı 13 qırküyekte ötetin tarihi boks keşinde öz önerin körsetuge bel buıp otır. Onıñ qarsılası – WBC twjırımı boyınşa älem çempionı Karlos Adames. Jekpe-jek ötui mümkin alañ – Las-Vegas, al bastı keştiñ özi – Saul' “Kanelo” Al'vares pen Terens Kroufordtıñ kezdesui, dep habarlaydı Shalqar.kz.

Janküyerler äleumettik jelilerde Älimhanwlı men Adames arasındağı kezdesudi Kanelo men Kroufordtıñ anderkartında körudi qalaytının jarısa jazuda. Jänibek te bwl wsınısqa qoldau bildirip, ringke şığuğa äzir ekenin mälimdedi.

“Äleumettik jelidegi janküyerlerdiñ meniñ Adamespen jekpe-jegimdi Kanelo men Kroufordtıñ keşine qosudı swrap jatqanın bayqadım. Men bwl wsınıstı tolıqtay qoldaymın. Quana kelisemin! Ringke şığuğa dayınmın!” – dep jazdı ol öz paraqşasında.

Bir ğana jekpe-jekte üş çempiondıq belbeudiñ tağdırı şeşilui mümkin:
 • Jänibektiñ WBO titulı,
 • Adamestiñ WBC belbeui,
 • Sonımen qatar, WBA “super” titulı da osı keşte iesin tabuı ıqtimal.

Bwl jağday kezdesudi jay ğana bäseke emes, orta salmaqtağı eñ mañızdı biriktiruşi jekpe-jekterdiñ qatarına şığarıp otır.

Saul' Al'vares pen Terens Krouford arasındağı superjekpe-jek 2025 jıldıñ bastı sport oqiğalarınıñ birine aynalmaq. Keşti wyımdastıruşı – saudiyalıq ıqpaldı twlğa Turki äl-Aş-Şeyh, ol soñğı jıldarı boks älemindegi eñ ülken şoulardıñ artında twrğan adam.

Jänibek üşin bwl tek belbeuler ğana emes – absolyut çempion atağına bir qadam. Qazaq janküyerleri bwl jekpe-jektiñ resmi jariyalanuın tağatsızdana kütude.